ڈیٹا تے سرمایہ کاری دے منصوبیں اچ مزید شفافیت دی لوڑھ اے، وزیرتوانائی اویس لغاری
APP50-200924
ISLAMABAD: September 20 - Minister for Power Sardar Awais Ahmed Khan Leghari in a meeting with Board Chairpersons and CEOs of power companies, along with experts from the World Bank, Asian Development Bank and other development partners. APP/ABB
اسلام آباد۔20ستمبر(اے پی پی) وفاقی وزیر توانائی ( پاور ڈویژن ) سردار اویس ا??مد خان لغاری آکھیے اساکوں ڈیٹا اتے سرمایہ کاری دے منصوبیں اچ مزید شفافیت دی لوڑھ اے تاں جو صارفین سانڳے بجلی دی لاڳت اچ کمی کیتی ونڄ سڳے ، شفافیت ساݙے وژن دا حصہ اے تے اساکوں صارفین دے مفاد سانڳے تکھے ڈیٹا تے مبنی فیصلے کرݨ دی لوڑھ اے ۔ سردار اویس ا??مد خان لغاری آکھیے جو وزارت توانائی دی طرفوں پاور کمپنیز دے ??ور?? چیئرپرسنز، سی ای اوز اتے عالمی ترقیاتی شراکت داراں دے تعارفی اجلاس دی صدارت کریندے آکھی۔ وفاقی وزیر اویس لغاری آکھیے نیشنل ٹرانسمیشن اینڈ ڈسپیچ کمپنی (این ٹی ڈی سی) دی تنظیم نو کریسن تاں جو گرڈ کوں مضبوط اتے پائیدار بݨایا ونڄ سڳے ۔ انھاں زور ݙتے بنیادی ڈھانچے اتے ٹیکنالوجی دی کمی دی وجہ توں کجھ رکاوٹاں موجود ہن ، اساکوں نظام اچ زیادہ شفافیت دی لوڑھ اے تے پاور ڈویژن ایں مقصد سانڳے کم کریندا پئے ۔وفاقی وزیر ترقیاتی شراکت داراں کوں موثر تجویز دی دعوت ݙتی تاں جو موجودہ نظام توں زیادہ موثر، کارآمد تے شفاف ماحول پیدا کیتا ونڄ سڳے ۔ موجودہ فیصلہ سازی دے عمل اچ ہر معاملے کوں این ٹی ڈی سی دے ??ور?? کنے گھن ونڄݨ ضروری ہوندے جیں اچ تبدیلی دی لوڑھ اے تاں جو زیادہ اختیارات تفویض کیتے ونڄن ۔ اویس لغاری آکھیے سست فیصلہ سازی پاروں مقررہ ویلھے تے اہداف نی ملدے جیں توں مزید بے یقینی پیدا تھیندی اے ،پاور ڈویژن این ٹی ڈی سی دی تنظیم نو کریسی تاں جو تکڑا تے پائیدار نظام متعارف کرایا ونڄ سڳے ۔وفاقی وزیرپاور ڈویژن ترقیاتی شراکت داراں دی مدد اتے ڈسٹری بیوشن کمپنیاں اتے این ٹی ڈی سی دے نویں تعینات شدہ ??ور?? چیئرمین دے وژن دی تعریف کیتی انھاں کوں ہدایت کیتی جو شفافیت اتے موثر فیصلہ سازی تے توجہ ݙیون ۔اویس لغاری ایں ڳالھ تے زور ݙتے جو ڈسٹری بیوشن کمپنیاں تے این ٹی ڈی سی دے ??ور??ز کوں آزادانہ طور تے کم کرݨا چاہیدے تے انھاں کوں کارکردگی بہتر بݨاوݨ، زیر التواء معاملات کوں حل کرݨ تے تکھے فیصلے کرݨ تے توجہ ݙیوݨی چاہیدی اے ، انھاں تجویز ݙتی جو ترقیاتی شراکت داراں کوں ڈسٹری بیوشن کمپنیاں نال تعاون کرݨا چاہیدے تاں جو ٹیکنالوجی کوں اپ گریڈ کیتا ونڄ سڳے ، انھاں آکھیے سمارٹ میٹرز دی تنصیب اچ تکھا کم کیتا ونڄے تے بجلی دی ونڈ کوں زیادہ مؤثر بݨایا ونڄے ۔ وفاقی وزیرآکھیے منصوبیں اچ دیر کوں گھٹ کرݨ دی لوڑھ اے تے مستقبل اچ منصوبیں اچ کہیں وی قسم دی دیر یا لاڳت اچ ودھارا برداشت نہ کیتا ویسی ۔اویس لغاری ??ور??ز آف ڈائریکٹرز کوں ہدایت کیتی جو او اے ڳالھ یقینی بݨاون ج?? مستقبل اچ پروجیکٹس تاخیر دا شکار نہ تھیون واضح رہے تاریخ اچ پہلی واری وفاقی وزیر دی قیادت اچ ڈسٹری بیوشن کمپنیاں دے چیئرمین، این ٹی ڈی سی اتے ترقیاتی شراکت داراں کوں ھک پلیٹ فارم تے کٹھا کیتا ڳئے تاں ج?? مستقبل کیتے جامع حکمت عملی ترتیب ݙتی ونڄ سڳے ۔ اجلاس اچ عالمی بینک، اے ڈی بی، اسلامی ترقیاتی بینک اتے ٻئے اداریں دے نمائندیں شرکت کیتی
