ھک سو چھی حج پروازاں دے ذریعے 32 ہزارعازمین کوں سعودی عرب پڄایا ویسی ،وزارت مذہبی امور شیڈول جاری کرݙتا

اسلام آباد۔3جون (اے پی پی):وزارت مذہبی امور حج پروازاں دا شیڈول جاری کر ݙتے،پہلی حج پرواز 6 جون کوں اسلام آباد توں روانہ تھیسی۔ ترجمان مذہبی امور موجب 106 حج پروازاں دے ذریعے 32 ہزار عازمین کوں سعودی عرب پڄایا ویسی ۔اسلام آباد توں روڈ ٹو مکہ پراجیکٹ دے تحت 42 پروازاں چلائیاں ویسن ۔فلائٹ شیڈول ویب سائٹ تے لاݙتی ڳئی اے ۔ عازمین کوں موبائل میسج وی جاری کرݙتے ڳئن ، عازمین حج کوں ہدایت کیتی ڳئی اے جو کہیں وی پریشانی توں بچݨ کیتے پروازاں دے شیڈول تے سختی نال عمل کرن ۔عازمین حج جاری شیڈول موجب نیڑے اعتماد سینٹر توں بائیو میٹرک کراون۔عازمین لازمی ویکسینز، شناختی لاکٹ، پاسپورٹ، حج ویزہ، ٹکٹ، ریسٹ بینڈ دے حصول کیتے حاجی کیمپ رابطہ کرن۔پرواز توں 72 گھنٹے دے اندر کووڈ پی سی آر ٹیسٹ سعودی منظور شدہ 6 لیبارٹریز توں کراوݨ لازمی اے ۔عازمین حج دی سہولت کیتے حاجی کیمپاں اچ منظور شدہ لیبارٹریاں دے بوتھ قائم کر ݙتے ڳئن۔سعودی عرب روانگی کیتے عازمین حج دا پی سی آر (منفی) ٹیسٹ سرٹیفکیٹ لازمی ہوسی ۔پی سی آر ٹیسٹ دے واجبات 4250 روپے عازمین حج کوں خود ݙیوݨے ہوسن۔

مضمون کا ماخذ : گرم گرم

متعلقہ مضامین