اليڪشن ڪميشن جي عملدارن خاطري ڪرائي آهي ته هو پنهنجا سمورا معاملا 11 کان 12 آگسٽ تائين مڪمل ڪري وٺندا: سيد علي ظفر

APP14-03 ISLAMABAD: August 03 - Caretaker Federal Minister for Information and Broadcasting, National Heritage and Law Barrister Syed Ali Zafar talking to media during his visit to National Archives of Pakistan. APP

اسلام آباد – 03 آگسٽ (اي پي پي) اطلاعات، نشريات، قومي تاريخ ۽ ادبي ورثي واري نگران وفاقي وزير بئريسٽر سيد علي ظفر چيو آهي ته اليڪشن ڪميشن جي عملدارن خاطري ڪرائي آهي ته هو پنهنجا سمورا معاملا 11 کان 12 آگسٽ تائين مڪمل ڪري وٺندا، اليڪشن ڪميشن جو ڪم مڪمل ٿيڻ کانپوءِ 13 کان 14 آگسٽ تي قومي اسيمبلي جو اجلاس گهرائي سگهجي ٿو، آئين موجب اليڪشن ڪميشن نتيجن جي اعلان کانپوءِ 21 ڏينهن جي اندر اندر قومي اسيمبلي جو اجلاس گهرائڻ لازمي آهي، 15 آگسٽ تائين قومي اسيمبلي جو اجلاس طلب ڪرڻ آئيني گهرج آهي،. هو نيشنل آرڪائيو جي دوري کانپوءِ ميڊيا سان ڳالهائي رهيو هو، وفاقي وزير چيو ته آئين ۽ چونڊ ايڪٽ 2017ع تحت اليڪشن ڪميشن جون 7 ذميداريون آهن جنهن ۾ سڀ کان پهرين ذميداري اليڪشن نتيجا جوڙڻ آهي جنهن کانپوءِ ڪامياب اميدوارن جا نوٽيفڪيشن جاري ڪرڻ، نوٽيفڪيشن کانپوءِ 10 ڏينهن جي اندر اميدوارن جي چونڊ خرچن جا گوشوارا جمع ڪرڻ، آزادي اميدوارن کي ڪنهن به پارٽي ۾ شامل ٿيڻ لاءِ وقت فراهم ڪرڻ، پارٽي جون لسٽون جاري ڪرڻ، عورتن ۽ اقليتن لاءِ مخصوص سيٽون جاري ڪرڻ آهي.

مضمون کا ماخذ : میگا ملینز

متعلقہ مضامین