ای سی سی اجلاس: جیندے جانوراں دی درآمد بارے درآمدی پالیسی آرڈر 2022 دی متعلقہ شقاں اچ ترامیم دی منظوری

اسلام آباد۔5اپریل(اے پی پی)کابینہ دی اقتصادی رابطہ کمیٹی (ای سی سی) دا اجلاس وفاقی وزیرخزانہ ومحصولات سینیٹرمحمداسحاق ڈار دی اڳواݨی اچ تھئے ڄئیں جیندے جانوراں دی درآمد بارے درآمدی پالیسی آرڈر 2022 دی متعلقہ شقاں اچ ترامیم دی منظوری ݙتی اے۔ اجلاس اچ وفاقی وزراء خرم دستگیرخان، سیدمرتضیٰ محمود، سید نویدقمر، ایم این اے وسابق وزیراعظم شاہدخاقان عباسی، وزیرمملکت ڈاکٹرعائشہ غوث پاشا، وزیرمملکت مصدق ملک، معاون خصوصی طارق محمود پاشا، معاون خصوصی ڈاکٹرمحمدجہانزیب خان، وزیراعظم دے رابطہ کاررانا احسان افضل، وفاقی سیکرٹریز اتے سینئر افسران شرکت کیتی۔ اجلاس اچ وزارت تجارت جانوراں دی صحت بارے اقوام متحدہ دے ادارہ ڈبلیو او اے ایچ دی ہدایات اتے رہنما اصولاں سانڳے ڄیندے جانوراں دی درآمد بارے درآمدی پالیسی آرڈر 2022 اچ ترامیم دی سمری پیش کیتی ڄیڑھی بحچ دے بعد اجلاس اچ منظور کر ڳھدی گئی۔ اجلاس سرکاری عمارتاں دی تعمیر و مرمت کیتے وزارت ہائوسنگ اینڈ ورکس کیتے 299.99 ملین روپے دی تکنیکی ضمنی گرانٹ دی منظوری ݙتی۔ اسی طرح ٹیکساں اتے ڈیوٹیاں دی ادائیگی کیتے انٹیلی جنس بیورو کیتے 87.164 ملین روپے دی ضمنی گرانٹ منظور کیتی۔

مضمون کا ماخذ : میگا مولا۔

متعلقہ مضامین