سپریم کورٹ اچ زیر التوا مقدمیں دی تعداد ودھݨ بابت دیاں خبراں کوڑیاں قرار

اسلام آباد۔17دسمبر(اے پی پی) سپریم کورٹ آف پاکستان اچ زیر التوا مقدمیں دی تعداد ودھݨ بابت خبراں کوں من گھڑت قرار ݙیندے ہوئیں ݙسایا ڳئے جو اڄوکے سال گزریل سال دی نسبت دے زیر التوا مقدمیں دی تعداد اچ 2653 نمبرات گھٹکی تھئی اے ۔عدالت عظمی دی طرفوں اعلامیہ اچ ݙسایا ڳئے جو 2013 اچ عدالتی امور ڈیجٹلائز کیتے ونڄݨ تں بعد خزاں 2022 اچ مکمل تھیوݨ آلے عدالتی سال اچ گزریل سالاں دی نسبت زیر التوا کیسز دی تعداد ساریں توں گھٹ رہی جنہاں اچ گزریل سال دی نسبت ڈھائی ہزار ودھ زیر التوا کیسز گھٹ ہن ۔اعلامیہ موجب مذکورہ حدف عدالت عظمی دے فاضل ججز دی مستعدی تے کم نال لڳن دے نتیجے اچ ملی اے۔ اے نتائج عدالت عظمی دی طرف توں ایں دورانیے اچ ݙتے ڳن جݙاں عدالت عظمی اچ ججز دیاں ٻہوں ساریاں سیٹاں خالی ہن ۔ سپریم کورٹ دی طرفوں 2013 توں 2022 تئیں سپریم کورٹ اچ دائر اتے نبیڑیے ونڄݨ آلے کیسز دی تفصیلات ݙیندے ہوئیں ݙسایا ڳئٖ جو 2021 تئیں ہر سال دائر کیتے ڳئے کیسز دے مقابلے اچ گھٹ مقدمیں نبیڑیے ڳئں تاں جو 2022 اچ 16 دسمبر تئیں 17 ہزار 379 کیس دائر جݙاں جو 20032 کیسز نبیڑیے ڳئں ۔ سپریم کورٹ دے ترجمان دی طرفوں جاری کیتی ڳئی تفصیل موجب سال 2013 اچ 12 ہزار 223 مقدمیں دائر جݙاں جو 9 ہزار 60 نبیڑیے ڳئں ۔ دائر تے نبیڑیے ڳئے کیسں 3163 دا فرق اے۔

مضمون کا ماخذ : جیک اور بین اسٹالک

متعلقہ مضامین