وزیراعظم شہباز شریف دا چیف آف آرمی سٹاف جنرل سیّد عاصم منیر کوں ٹیلی فون، آرمی چیف دا منصب سنبھالݨ دی مبارخ ݙتی

اسلام آباد۔29نومبر(اے پی پی) وزیراعظم شہباز شریف چیف آف آرمی سٹاف جنرل سیّد عاصم منیر کوں ٹیلی فون کیتے تے آرمی چیف دا منصب سنبھالݨ تے مبارخ ݙتی اے ۔منڳل کوں وزیراعظم میڈیا آفس توں جاری بیان موجب آرمی چیف نال ڳالھ مہاڑ کریندے ہوئیں وزیراعظم شہباز شریف آکھیے جو بہادر پاک فوج دے سپہ سالار دا منصب سنبھالݨ وݙا اعزاز اے ، پاک فوج کوں تساں جیہا پیشہ وارانہ قابلیت دا حامل سربراہ ملݨ اللہ تعالی دا خاص فضل اے۔ وزیراعظم آکھیے پورا یقین اے جو تساݙی قیادت اچ پاک فوج دی پیشہ وارانہ صلاحیتاں تے دفاع وطن دی قوت اچ ودھارا تھیسی ،مادر وطن دے تحفظ و سلامتی، دہشت گردی مکاوݨ سودھے سکیورٹی چیلنجز نال نبݨݨ اچ اللہ تعالی تساݙی مدد و راہنمائی فرماوے۔ وزیراعظم آکھیے جو وطن عزیز دے دفاع، سلامتی تے تحفظ کیتے ساݙا بھرپور تعاون تساکوں میسر رہسی ۔آرمی چیف جنرل سیّد عاصم منیر نیک تمناواں دے اظہار اتے مبارخ ݙیوݨ تے وزیراعظم دا شکریہ ادا کیتے۔

مضمون کا ماخذ : را کی کتاب

متعلقہ مضامین