پناہ گاہواں ماچ مزدوراں، مسافراں سیحواں کوں معیاری رہائش کھاوݨا ملدا پئے، 3 مہینے اچ 15 لکھ لوک ’’کوئی بھوکا نہ سوئے‘‘ پروگرام توں فیدہ چاتے، وزیراعظم دے فوکل پرسن احساس پناہ گاہ نسیم الرحمن دا ’’اے پی پی‘‘ کوں انٹرویو

APP27-10 LAHORE: November 10 - Prime Minister Imran Khan inaugurates the shelter house at Railway Station in the Provincial Capital. APP photo by Mustafa Lashari

پناہ گاہواں ماچ مزدوراں، مسافراں سیحواں کوں معیاری رہائش کھاوݨا ملدا پئے، 3 مہینے اچ 15 لکھ لوک ’’کوئی بھوکا نہ سوئے‘‘ پروگرام توں فیدہ چاتے، وزیراعظم دے فوکل پرسن احساس پناہ گاہ نسیم الرحمن دا ’’اے پی پی‘‘ کوں انٹرویو
اسلام آباد۔16نومبر(اے پی پی)وزیراعظم دے فوکل پرسن احساس پناہ گاہ نسیم الرحمن آکھیے جو پناہ گاہواں ماچ مزدوراں، مسافراں سیحواں کوں معیاری رہائش کھاوݨا ملدا پئے، 3 مہینے اچ 15 لکھ لوک ’’کوئی بھوکا نہ سوئے‘‘ پروگرام توں فیدہ چاتے، اے پروگرام غریب اتے محروم طبقیاں کیتے اے۔ اے ڳالھ انہاں’’اے پی پی‘‘ کو انٹرویو اچ آکھی۔ انہاں آکھیا جو احساس پناہ گاہ پروگرام شدید ٹھݙ اچ لوکاں کوں سر دی چھت اتے کھاوݨا ݙیوݨ کیتے وزیراعظم دی ہدایت تے شروع تھیا ہا، وزیراعظم دا ویژن اے جو کوئی وی ملک اچ ٻکھا نہ سمے، تہوں اے پروگرام کامیابی نال چلدا پئے جو اے ہک خیراتی کم نئیں بھل غربت مکاوݨ، غریب کوں ٹکر کھواوݨ اتے چھٹ ݙیوݨ لوکاں دا بنیادی حق اتے حقوق العباد دا حصہ اے۔ وزیر اعظم دی سوچ اے جو ایںجھی ریاست جیندے اچ غریباں دا دھیان نہ کیتا ونڄے او فلاحی ریاست نئیں ہوندی، پہلے اے سماجی پروگرام دے طور تے شروع تھئے، ایں سانڳے ملک اچ 3 قسم دے پروگرام چلدے پین۔ ہک فیڈریشن دی سطح دا پروگرام اے جیڑھا راہنمائی اتے ڈیمنسٹریشن دا پروگرام اے۔ پناہ گاہواں اچ 100 ڄݨے راہݨ، 5 سو دے کھاوݨ پیوݨ سودھا 6 واش رومز اتے 6 توں 10 ہینڈ واشنگ بوتھز ہوندن۔ صوبائی سطح تے اے پناہ گاہیں سوشل ویلفئیر ڈیپارٹمنٹ چلیندن۔ اسلام آباد اچ 23 پناگاہیں بیت المال کولو ہین۔ پنجاب اچ 70 پناہ گاہیں، کے پی اچ 40، سندھ اچ 5، بلوچستان اچ 5، گلگت بلتستان اچ ہک ہین ڄݙاں جو سکردو، آزاد کشمیر اچ وی تیکھے پناہ گاہیں ٻݨ ویسن۔ پروگرام کیتے صوبیاں دے اقدامات چنڳے ہین اتے لوک وی ایکوں پسند کریندے پین، مخیر حضرات وی ایندے اچ ہتھ ونݙیندے پین۔ پچھلے سال 36 لکھ لوکاں کوں غذائیت آلا کھاوݨا ݙتا ڳئے۔ سخت موسم آلے علاقیاں اچ پناہ قاہیں وی زیادہ ہیں، پناہ گاہواں کیتے مزدوراں دے سوکھ کیتے فری شٹل سروس وی شروع کیتی ڳئی اے۔ تھری ایس پروگرام(سیف، سیکیور اینڈ سسٹینبل پروگرام، محفوظ ذمہ دار اتے پائیدار پروگرام)یقینی ٻݨایا ڳئے۔ پناہ ڳاہیں اچ تتا پاݨی، صاف ستھرے بسترے اتے کمبل، ہیٹر دا وی انتظام اے۔ پناہ ڳاہیں اچ لنگر اتے کھاوݨ پیوݨ کتیے در ہر ویلھے کھلے ہین۔ رہائش کیتے شناختی کارڈ ہووݨ لازمی اے جیکوں ڈیٹا بیسڈ ٻݨایا ڳئے۔ جتھاں کوئی وی ڄݨا ہفتہ اچ 3 ݙینھ اتے مہینہ اچ 12 ݙینھ ٹک سڳدے۔ پناہ ڳاہیں اچ بزرگاں کتیے خاص انتظام اے۔ لوکاں دے سوکھ کیتے عملہ مکمل تربیت یافتہ اے۔ پناہ ڳاہیں اچ کرونا اتے ݙینڳی بخار کیتے ٹیلی ہیلت کلینکس ٻݨائے ڳین جتھاں آن لائن ڈاکٹر اتے فرسٹ ایڈ دی سہولت وی ملدی اے۔ انہاں آکھیا جو پناہ گاہوا اچ ہیلتھ سسٹم ٻیا چنڳاں کیتا ویسی۔ ہک پناہ گاہ تے ہر مہینے 15 لکھ روپے خرچہ آندے۔ انہاں آکھیا جو ااینڄھیاں مثالی پناہ گاہیں ٻݨدیاں پین ڄیڑھیاں پورے ڄڳ اچ رول ماڈل ہوون۔

مضمون کا ماخذ : سامرائی کی خوش قسمتی۔

متعلقہ مضامین