سرکاری اداریاں دے نقصانات دا بھار عوام کوں سہنڑا پوندے،وزیراعظم عمران خان دا پی آئی اے اچ اصلاحات بارے اعلیٰ سطح اجلاس نال خطاب

اسلام آباد ۔ 19 جون (اے پی پی) وزیراعظم عمران خان آکھیے جو سرکاری اداریاں دے نقصانات دا بھار عوام کوں سہنڑا پوندے،پی آئی اے جھیں قومی ادارے کو ں منافع بخش بنراونڑ کیتے انتظامی اصلاحات سودھا سارے وسائل دا شفاف استعمال کیتا ونجے۔اے گالھ انہاں پی آئی اے اچ اصلاحات بارے اعلیٰ سطح اجلاس نال خطاب کریندے آکھی۔اجلاس اچ مشیر ہوابازی غلام سرور، وزیر اطلاعات و نشریات سینیٹر شبلی فراز، وزیرِ منصوبہ بندی اسد عمر، وزیرِ نجکاری میاں محمد سومرو، مشیر ادارہ جاتی اصلاحات ڈاکٹر عشرت حسین، مشیر تجارت عبدالرزاق داو ¿د، مشیر خزانہ ڈاکٹر عبدالحفیظ شیخ، معاونِین خصوصی لیفٹیننٹ جنرل (ر) عاصم سلیم باجوہ، سیّد ذوالفقار عباس بخاری، چیئرمین سرمایہ کاری بورڈ عاطف بخاری، سی ای او پی آئی اے ایئر مارشل ارشد ملک اتے بئے افسران وی ہن۔اجلاس اچ قومی ایئر لائنز کوں نقصانات توں کڈھنڑ،جدید اتے منافع بخش ادارہ بنڑاونڑسانگے اصلاحات اچ پیشرفت دا جائزہ گھدا گئے۔وزیراعظم آکھیا جو کہ اہم قومی اداریاں کوں نقصان توں کڈھ تے فعال بنڑاونڑ اجوکی حکومت دا وڈا مقصد اے،کیوں جو سرکاری اداریاں دے ارباں روپے نقصانات دا بھار لوکاں کوں ساہونڑا پوندے،ایندے کیتے اصلاحاتی عمل تیکھا کرنڑدی لوڑھ اے،جیندے کیتے سارے موجودوسائل شفاف انداز اچ لائے ونجن۔وزیراعظم ہدایت کیتی جو ایں سانگے مفصل اتے جامع حکمت عملی دے مطابق ترجیحی بنیاداں تے کم کیتا ونجے۔

مضمون کا ماخذ : نمبروں دا میگا سینا

متعلقہ مضامین